![](https://blogger.googleusercontent.com/img/b/R29vZ2xl/AVvXsEha9jOzhulC4T_1_C2NNZLhmZX02Jvi0qCYHvVRmCZqVpeHgRkbolGKvSR9fX_58Y586y-J8IFk8gqUxj0fCQBDo1gbhpU8n2j7UWiiEV-GDYh-YV9Jcs4k0n4IN_Apj-t9hOQrT4ZCAX0A/s320/IMG_0072.jpg)
ನಾವು ಒಂದಿಷ್ಟು ಗೆಳೆಯರು ಹೆಜಮಾಡಿಯಿಂದ ಕಾಪು ತನಕ ಹದಿನೈದು ಕಿ.ಮೀ.ಗಳಷ್ಟು ದೂರ ಕಡಲ ತೀರದಲ್ಲೇ ನಡೆದುಕೊಂಡು ಹೋದೆವು. ಅಮೇರಿಕಾದಿಂದ ಗೆಳೆಯರಾದ ಗಿಲ್ಬರ್ಟ್ ಡಿಸೋಜ ಪ್ರೀತಿಯಿಂದ ಕಳುಹಿಸಿದ ಕೆಮರಾದಿಂದ ಕ್ಲಿಕ್ಕಿಸಿದ ಬೀಚ್ ನಡಿಗೆಯ ಒಂದಿಷ್ಟು ಚಿತ್ರಗಳು ನಿಮಗಾಗಿ.
ನಮ್ಮ ಆರಂಭವಾದದ್ದು ಹೀಗೆ.
![](https://blogger.googleusercontent.com/img/b/R29vZ2xl/AVvXsEidBGwwDcyHjSXwxQKP_Rs3ExtXcuoQyCme9CM1kgBYzdikErJT1xp-6xjoIv-PUMty5UtcByGefcGVPz8QIlgG3meyYUaoKdQoqrGUxcfkjEs5izToJOAGcyda8pU7OQxdlKAytfBjvxMQ/s320/IMG_0074.jpg)
ಬೀಚ್ ಪಕ್ಕದಲ್ಲೊಂದು ಹೊಳೆ. ಕಾಮಿನಿ ಅಂತ. ಕಡಲ ಸೇರುವ ತವಕದಲ್ಲಿತ್ತು. ಅಲ್ಲೇ ದೋಣಿಯೊಂದಕ್ಕೆ ರಜೆ ಇತ್ತಾದರಿಂದ ನನ್ನ ಕೆಮರಾ ಕಣ್ಣಿಗೆ ಸಿಕ್ಕಿ ಬಿತ್ತು.
![](https://blogger.googleusercontent.com/img/b/R29vZ2xl/AVvXsEjMhoEjv9B0X0QyrsUgFhn0SDswctv9MjVr7wGz83NzajhkDlwbQNCmuSUp3oRbU5iOg33qYL7jK-PmytVat9C_fxaO5I2NOJdk6KEU0TmPuFQMR_DU1LnGZ0JpSmb1mrlyIf-WRummBu6R/s320/IMG_0083.jpg)
ಅದೇ ಹೊಳೆಯಲ್ಲಿ ಒಬ್ಬರು ಬಲೆ ಬೀಸಿ ಮೀನು ಹಿಡಿಯುತ್ತಿದ್ದರು.
![](https://blogger.googleusercontent.com/img/b/R29vZ2xl/AVvXsEjdTvugpQVYsPbgrTuC3Kg5M65mMx8HYjv5cBqdfgFgfwGt3cBuZYjAPG_vvYUuDtaFrkfuy1_Y4d7et5TQ7d_dkhnavtKN2y_a2XhUnPmQdG1SFpy6pt7FDsoWiYfA5w5TzIwavO_KX5vm/s320/IMG_0085.jpg)
ನೋಡಿ, ಆ ಕಡೆಯ ಕಡಲ ತೆರೆ ಈ ಕಡೆಯ ಹೊಳೆಯ ನೀರು ಒಂದಾಗುತ್ತಿದೆ. ಮಳೆ ಜೋರು ಬಂದರೆ ಬೀಚ್ ನಡಿಗೆ ಬಂದ್!
![](https://blogger.googleusercontent.com/img/b/R29vZ2xl/AVvXsEiazHw9M_18KzS7DPY_Y2S0hvbyKMxNkOipoT4tKBlDZaal0zF0DuTua5StXiGKZKYwpbroleQgqDOa2EggsrhO0Y64QM05tt46TWJiuAqdSE7BBr6yH30TK3xhDLg7yk-mgJDlzvIRYaOC/s320/IMG_0095.jpg)
ಮಳೆ ಇಲ್ಲದಿದ್ದರೂ ಕಡಲ ಅಬ್ಬರಕ್ಕೇನೂ ಅಡ್ಡಿಯಿಲ್ಲ. ಒಂದರ ಹಿಂದೊಂದು ಎಂದು ತೆರೆಗಳು ಬರುತ್ತಲೇ ಇರುತ್ತವೆ. ಅವು ಸೋಲುವುದಿಲ್ಲ. ಮತ್ತೆ ಎದ್ದು ಬಂದು ದಡಕ್ಕೆ ಅಪ್ಪಳಿಸುತ್ತವೆ.
![](https://blogger.googleusercontent.com/img/b/R29vZ2xl/AVvXsEij0pZNGaLPdF9Q64AhnGKlSr142sx3l8C4Pk_8KwWg1qQIB29XF5V1621H91kVDAGYR3Gd2FePNQu6RHGBilTi85BKv8AHyokpaX2VP9GcNGaNai6gTVvGNajn_n4rnUb7SdwNS1UjwvtI/s320/IMG_0099.jpg)
ಸಮುದ್ರ ಕಿನಾರೆಯಲ್ಲಿ ನಮ್ಮದು ಸಾವಿರ ಸಾವಿರ ಹೆಜ್ಜೆಗಳ ಪಯಣ! ನೋಡಿದಷ್ಟೂ ಮುಗಿದು ಹೋಗದ ಕಡಲರಾಶಿಯ ಪಕ್ಕದಲ್ಲಿ ನಾವೆಷ್ಟೆಂದರೂ ಅಷ್ಟೆ.
![](https://blogger.googleusercontent.com/img/b/R29vZ2xl/AVvXsEgsR9-GspFJnvi9nYyeXqX80P3QYwdVQTWu7Gg1lh9u9Wu5pCWSbFs_lKoIQWXZJG3UdVaL14Kb5aVzXPeuwx71E6Y6j7uglCmgLXklF9Li6HoKUpC8KcmnEokDECP6UEkstVuvJcAePhhW/s320/IMG_0098.jpg)
ಮನೆಯಲ್ಲಿ ಭೂತ ಪ್ರೇತ ದೈವಗಳ ಉಪಟಳವಿದ್ದಾಗ ಅವನ್ನು ಮಣಿಮಂಚದ ಸಮೇತ ಸಮುದ್ರಕ್ಕೆ ಬಿಸಾಡಿ ಉಚ್ಛಾಟಿಸುವ ನಂಬಿಕೆ ತುಳುನಾಡ ಕರಾವಳಿಯಲ್ಲಿದೆ. ಇದು ಹಾಗೆ ಬಿಟ್ಟು ಹೋದ ಅನಾಥ ಭೂತದ ಮಂಚ. ಇಂತಹ ನೂರಾರು ಮರದ ಆಸನ, ಮಂಚಗಳು ಕಡಲ ತಡಿಯಲ್ಲಿ ಕಾಣ ಸಿಕ್ಕವು.
![](https://blogger.googleusercontent.com/img/b/R29vZ2xl/AVvXsEiQilbf3Wc3voShqQ7D8ivgnAem4oVdhLH64cAMF14y_7aPEzztU7R0zozdFIPjm1gM6Ym6LrnUYVO3E4Srft6_z_vSu2_xH4E8XQjGZTAwQK6xB0Ry2U55BDg2iDNM8DVFQKvWbQ3wM6gN/s320/IMG_0102.jpg)
ಬಾಟಲಿಗಂಟಿದ ಜೀವಂತ ಚಿಪ್ಪು ಪ್ರಾಣಿಯ ರಾಶಿ.
![](https://blogger.googleusercontent.com/img/b/R29vZ2xl/AVvXsEiySgLXe-1XsuwpyG2yk_gBXBRzXgMnfmSsoI7U07-wq2LrWfSb2i06EAXCLyrJcyqtLYRtPewrG1bPKUc_UQgMcHoA9OBY8VSf1HYZIaqETCakJyuWW-Cw4SbuPiK6bZODnSIN8yHuMfTk/s320/IMG_0112.jpg)
![](https://blogger.googleusercontent.com/img/b/R29vZ2xl/AVvXsEjoI5WTC2yeuI89MfHikCb8p7-QUHfkBjMPUkZEgTY4wTKKuQFkbUgMWgsj2wXJ7cop0hMxZBy8rmYm5R3CbnpnExm7I6ias0SuJlSSAKyKeelxAf3kB1PMrheQwnGKg_hCYRW7y1EZgSt_/s320/IMG_0129.jpg)
ಬೀಚ್ನಲ್ಲಿ ಬಾಟಲಿ, ಪ್ಲಾಸ್ಟಿಕ್, ಬಲ್ಬ್ ಮುಂತಾದ ವಸ್ತುಗಳು ರಾಶಿರಾಶಿ ಸಿಗುತ್ತಲೇ ಹೋಗುತ್ತವೆ.
![](https://blogger.googleusercontent.com/img/b/R29vZ2xl/AVvXsEjmk2_xRjbRJMsSGnMIxzaKIutRZRCcgodPYgrGriveV5gK27D_m1xzzcfC1LIJAcaUs38li4GfnfFIVUBAGQOsK4NtHzmBNFcJ_fJiu4F1KFGCaOETkV2Wlta_jyyHXeYc5VYieDhaNOdw/s320/IMG_0103.jpg)
![](https://blogger.googleusercontent.com/img/b/R29vZ2xl/AVvXsEitA2W2hFCKNYY5ns5PaCVakmqhusd5xVljc9ylrj-qdSsUsvBr_sumCRcYaYOzM8nLHvfGRBV4Z0LyxI03UdMGCq0xyeCsWVVMrQG1YbwidOrPxtGic1PI_OFWJ8w6Hi5JwpBTNv3XEuLm/s320/IMG_0143.jpg)
ನಿಂತ ದೋಣಿಯಲ್ಲಿ ಕೂತು ಕೊಂಚ ವಿಶ್ರಾಂತಿ ಪಡೆದ ನಮಗೆ ಪ್ರಕ್ರತಿ ಎಂಬ ಖಾಸಗಿ ರೆಸಾರ್ಟ್ ನೋಡುವ ಅವಕಾಶವೂ ಸಿಕ್ಕಿತು.
![](https://blogger.googleusercontent.com/img/b/R29vZ2xl/AVvXsEj6QajXkFVRrk8SN1tL19HR8i94ZHYOaE734szFepCx4_Hz2Nca4spuq9xd_ME-lf3gAtrV4tLDOW-_K7qlRUkcpuaCes95ZYZKR-Vg67RcrSRk8bHYta-OqmO_hnjIdP1Hfb86d13DFOzI/s320/IMG_0150.jpg)
![](https://blogger.googleusercontent.com/img/b/R29vZ2xl/AVvXsEgBGiZSZkmXjMdR9sGbrSdFul6GadMgaHDCj3Y50qnljRLYTrol-VPS1xi-2nnM3_h9mSmjWmInH3IfsUeXu80DcIQY3y9Sa80E6wfA0Pw55L-ZBE6pTg9NIzX89JPlVGpNby0eH4JXKgCQ/s320/IMG_0152.jpg)
ಗೆಳೆಯ ಯಶವಂತ ವಿಶ್ರಾಂತಿಗೆಂದು ಸುಮ್ಮನೆ ಕೂತು ಸಮುದ್ರದ ಫೊಟೋ ತೆಗೆಯುತ್ತಿದ್ದ. ಅದನ್ನು ನೋಡುತ್ತಿದ್ದ ನಾಯಿಯೊಂದು ಕೆಮರಾ ಮುಂದೆ ಬಂದು ನಿಂತು ನಗುತ್ತ ಫೋಸು ಕೊಟ್ಟದ್ದನ್ನು ನನ್ನ ಕೆಮರಾ ಕಂಡಿತು!
ಇನ್ನಷ್ಟು ನಡಿಗೆಯನ್ನು ಮುಂದಿನ ಕಂತಿನಲ್ಲಿ ಕೊಡುತ್ತೇನೆ.