Saturday, August 16, 2008

ದೇವರ ಹೆಸರು ಯಾಕೆ ಸ್ವಾಮೀ...


ದುರ್ಗಾ ಬಾರ್ ಎಂಡ್ ರೆಸ್ಟೋರೆಂಟ್, ಶ್ರೀ ಗಣೇಶ ವೈನ್ ಶಾಪ್, ಲಕ್ಷ್ಮೀ ನಾನ್‌ವೆಜ್ ಹೊಟೇಲ್, ಈಶ್ವರ ಪಾನ್‌ಶಾಪಿಗೆ ದೇವರ ಹೆಸರನ್ನೆಲ್ಲ ಬಾರು, ವೈನು ಶಾಪು, ಮಾಂಸದ ಹೊಟೇಲುಗಳಿಗೆ ಇಡುವುದು ಸರಿಯಾ ಹೇಳಿ ಸ್ವಾಮಿ?
ಆ ಹೊಟೇಲು, ಬಾರುಗಳ ಮಾಲಕರು ವಾದಿಸಬಹುದು; ನಾವು ಭಕ್ತಿಯಿಂದ ನಮ್ಮ ವ್ಯವಹಾರಕ್ಕೆ ಇಟ್ಟರೆ ತಪ್ಪೇನು ಅಂತ.
ಅವರ ವಾದ ಸರಿ ಅಂತಿಟ್ಟುಕೊಳ್ಳೋಣ. ಆದರೆ ಕುಡಿದು ತೂರಾಡುವವರನ್ನು ಸೃಷ್ಟಿಸುವ, ಮನೆ ಮುರಿಯುವ ಹೆಂಡದಂಗಡಿಗೆ ಹೀಗೆ ದೇವರ ಹೆಸರಿಡುವುದು ಸರಿ ಕಾಣುತ್ತದಾ?
ಬಸ್ಸುಗಳ ಹೆಸರೂ ಹಾಗೆಯೇ; ಶ್ರೀ ಗಣೇಶ ಟ್ರಾವೆಲ್ಸ್, ದುರ್ಗಾಂಬಾ ಮೋಟರ್ಸ್, ಶ್ರೀ ಕಟೀಲ್, ಶ್ರೀ ದುರ್ಗಿ, ಶ್ರೀ ಮಂಜುನಾಥ...
ಬಸ್ಸು ಅಫಘಾತವಾಗಿ ನಾಲ್ಕು ಮಂದಿ ಸತ್ತರೆ; ದೇವರ ಹೆಸರಿನ ಬಸ್ಸನ್ನು ಕುರಿತು ಜನ ಮಾತಾಡುವುದು ಹೇಗೆ ಗೊತ್ತಾ? ಅವ ಗಣೇಶದವ ಯಾವಾಗಲೂ ಹಾಗೆಯೇ, ಕುಡಿದು ಬಿಡುವುದು. ಮೊನ್ನೆ ಕೂಡ ಒಬ್ಬರ ಕಾಲು ತೆಗೆದಿದ್ದ....
ಬೇಕಾ, ಡ್ರೈವರನ ತಪ್ಪಿಗೆ ದೇವರ ಹೆಸರಿಗೆ ಬೈಯ್ಗುಳ.

4 comments:

sudheer kumar said...

ತುಂಬಾ ಓಳ್ಳೆಯ ವಿಷಯಗಳನ್ನೆ ಹಾಕಿ ಬ್ಲಾಗ್ ಪ್ರಾರಂಭ ಮಾಡಿದ್ದಿರ.ಸುಲಭದಲ್ಲಿ ಸಿಗುವುದು ದೇವರ ಹೆಸರು ತಾನೆ .ವಿಮಾನ ನಿಲ್ದಾನಗಳಿಗೆ, ಯುನಿರ್ವಸಿಟಿಗಳಿಗೆ ರಾಜಕಾರಣಿಗಳ ಹೆಸರು ಇಡುವಾಗ ದೇವರ ಹೆಸರು
ಅಂಗಡಿಗಳಿಗೆ , ಹೊಟೇಲುಗಳಿಗೆ ಇಟ್ಟರೆ ಓಂದರ್ಥದಲ್ಲಿ
ತಪ್ಪಿಲ್ಲ ಅಂಥ ನನ್ನ ಭಾವನೆ

sunaath said...

"ನಿನ್ನೊಲುಮೆ ನಮಗಿರಲಿ ತಂದೆ
ನಿನ್ ಹೆಸರು ಇಡುವೆನೆಂದೆ"

VENU VINOD said...

ಸ್ವಾಮೀಜಿಗಳೇ ರೆಡಿಮೇಡ್ ಬಟ್ಟೆ ಅಂಗಡಿ, ಶಾಪಿಂಗ್ ಮಾಲ್ ಉದ್ಘಾಟಿಸ್ತಾರಲ್ಲ ಸ್ವಾಮಿ, ಇನ್ನು ದೇವರ ಹೆಸರಲ್ಲೇನು ಬಂತು ?

ಮಿಥುನ ಕೊಡೆತ್ತೂರು said...

ಸುಧೀರ್, ಸುನಾಥ್, ವೇಣು
ನೀವೂ ಹೇಳುವುದೂ ಸರಿ.
ಒಂದು ರೀತಿಯಲ್ಲಿ ಇಂತಹ ಹೆಸರುಗಳನ್ನು ಓದಿ ಮಜಾ ಅನುಭವಿಸುವುದೇ ಬೆಸ್ಟು.
ಉದಾ; ಶ್ರೀ ತಿರುಪತಿ ಸೆಲೂನ್!
ತಿಮ್ಮಪ್ಪ ಫೈನಾನ್ಸ್
ಏನಂತೀರಿ?